听朝美职赛事，肯萨斯体育会主场迎战纽约红牛。肯体会向来唔识防守，主场出击绝不龟缩；红牛近况虽佳，但客场表现始终差啲，加上双方近年碰头例演入球骚，中位数2.5球嘅大盘更值博。

　　西岸球队肯萨斯体育会开咧後18场联赛，仅得4胜4和10负，仍然喺下游挣扎，成绩差主因系防守欠稳，依家已经失咗32粒，失球之多喺美职属「数一数二」。不过肯体会抱住大无畏精神，踢法有前冇後，连同盃赛在内，近4仗入9球失6球，全开3球或以上，包括美联盃大炒低组别球队奥马哈联6比0，今仗主场出击更加唔会缩，随时以攻代守。

　　对战红牛旺入波

　　另一边厢，东岸前列分子红牛各项赛事近4仗获3胜1负，不过要留意赢波3仗全属主场赛事，客场表现往往打折扣。佢哋近4仗联赛作客未赢过，其中近3仗全部输晒，包括不敌实力一般嘅夏洛特ＦＣ，可见佢哋主强客弱嘅特性。翻查纪录，两军近4次交锋，合共制造15个入球，4仗全开3球或以上，预计今仗都系斗攻格局，2.5球嘅入球大捧得过。