俄罗斯今晚会踢欧国盃决赛周前最后一场热身赛，喺莫斯科迎战保加利亚，俄罗斯上场作客逼和另一决赛周分子波兰，整体表现算係唔错，今仗返主场作最后备战，当然想用赢波嚟迎接决赛周，喺多名主力复出情况下，俄罗斯今场有力主场赢波。

　　俄罗斯今届欧国盃主办国之一，头2轮分组赛对比利时同芬兰都会喺主场出击，踢完对波兰嘅热身赛后，大军已经返去俄罗斯基地作最后备战，今场斗保加利亚会係决赛周首战比利时嘅綵排，态度肯定会更加认真。后防马里奥费南迪斯同中场卓利舒夫上场热身赛缺阵，但2人近日已经复操，相信今场可以披甲上阵，实力更有保证。

　　保加利亚「陪太子练兵」
　　保加利亚未能跻身欧国盃决赛周，近期都係「陪太子练兵」，上场热身赛就同斯洛伐克踢成1比1平手，佢哋4日之后又会再同法国踢热身赛，呢3场热身赛都係以试阵为目标，预料会畀全队球员轮流上阵，今场作客输波机会好高。