今晚意甲重头戏，祖云达斯主场斗拉素。祖记现时落后榜首国际米兰10分，衞冕机会淼茫，惟有放眼欧联战线，佢哋下周中欧联16强次回合生死战对波图，今场随时留力；拉素上场意甲延期，养精蓄锐出击仲有得受让，一于捧让球客胜。

　　祖云达斯今季请嚟名宿派路领军，实在係一大败笔，球队水准不稳搞到成日失分，近4场联赛就仅获2胜1和1负。虽然王牌C朗今季联赛已有20球进帐，但祖记过于依赖呢位葡萄牙国脚，一旦佢稍有失准，球队就随时死火。正因为祖记有呢个「C朗依赖症」，今场更唔可以畀佢搏得太尽，事关下场欧联对波图更为重要，战意成疑下祖记让波有暗涌。

　　拉素体力有优势
　　拉素周中对拖连奴嘅意甲，因为对手有多位球员确诊新冠肺炎被逼延期，令佢哋意外获更多时间休息，体力上有优势。拉素本身状态唔曳，近9场联赛赢咗7场，加上近4次对祖云达斯有3次力保不败，受让有着数。