欧联16强首回合另一场大战，RB莱比锡于中立场对利物浦。莱比锡近况勇勐，连盃赛取得4连胜，拿高斯文主张进攻足球，球队亦有多名球员可以入波，遇着近排后防频频甩辘嘅利物浦，受让真係笋到爆，让球主胜万勿错过。

　　由于疫情关係，德国政府唔批准来自英国嘅飞机降落，故此今场赛事移师到匈牙利布达佩斯举行。虽然此举对RB莱比锡有啲唔公平，不过佢哋对于中立场作赛并唔陌生，上届莱比锡杀入欧联淘汰赛，8强同4强均于中立场举行，主帅拿高斯文有力克服此问题。

　　教练拿高斯文崇尚进攻
　　拿高斯文战术多变，佢主张控球嘅进攻足球，要求球员不断跑动来寻找空位，所以选择正选球员都係以状态行先，所以球队可以保持勇锐，近4场赢波合共入10球，除咗1个对方乌龙，其馀9球合共由6名唔同球员射入，令人防不胜防，面对今季问题多多嘅利物浦后防，确实可以搵到着数。

　　利物浦今季后防线多灾多难，华基尔云迪积克重创后，球队回复呢名荷兰中坚加盟前嘅「海鲜味」，现时红军更有多名正宗后防球员受伤，今场又要起用佐敦轩达臣及法宾奴泰华利斯串演中坚，加上门将艾利臣比加频频失准，前面入埋都唔够后边失。不过红军最大问题唔係状态而係心态，成班波踢嚟没精打采，毫无斗心可言，喺欧联呢种顶级嘅赛事，输咗心态就好难踢，相反，RB莱比锡近4次欧联斗英超球队赢3次，比赛信心赢晒，今场仲有得受让，让球主胜有买趁早。