踢完世冠盃 回國又砌過
　　今晚德甲獨腳戲，拜仁慕尼黑主場斗比勒費爾德。拜仁實力贏曬，但佢哋剛於上周五凌晨踢完世冠盃決賽，匆匆回國出戰聯賽，球員疲於奔命，難免影響發揮，加上佢哋近期踢德甲比較慢熱，近5場聯賽有4次上半場開出總入球1球，可以博中位數1.5球嘅半場細。

　　拜仁勇奪世冠盃冠軍，成為「6冠王」，由於該場決賽喺卡塔爾舉行，球員舟車勞頓，今場未必能夠恢復十足體力。屋漏偏逢連夜雨，湯馬士梅拿不幸確診新冠肺炎，今場唔使預佢，呢位老將今季德甲已射入10球，隊內僅次於羅拔利雲度夫斯基，同時有10次助攻，所以梅拿缺陣下，勢必影響拜仁嘅入波能力。

　　雖然拜仁整體實力喺比勒費爾德之上，但佢哋近期上半場入局較慢，即使近5場聯賽上半場都領先，但當中有4次僅贏1比0，連同世冠盃，佢哋近7場有6次半場總入球開1球或以下。

　　比勒費爾德攻力薄弱
　　比勒費爾德要為護級搶分，但作客拜仁預計都要守住先，佢哋今季9場聯賽作客只入5球，而且呢9仗上半場都未能取得入球，難以威脅拜仁防線，1.5球嘅半場細超過2倍抵玩。