欧国联A1组喺周一凌晨有波踢，其中荷兰会喺主场迎战波斯尼亚。呢组出线形势争持激烈，排第3嘅荷兰同榜首波兰都只係有2分距离，形势充满变数。荷兰论牌面当然劲过波斯尼亚，不过法兰迪保亚上任后表现麻麻，将帅融合需时，表现慢热，今场开半场和机会高。

　　荷兰贵为上届欧国联亚军，阵中有唔少新星上位，不过自从法兰迪保亚接替离队嘅朗奴高文执教后，领军嘅4场赛事都未赢过，虽然周中友赛1比1逼和西班牙，表现唔算差，但球员喺战术适应上仍未成熟，因此入局较慢。荷兰今场仲有中坚尼敦阿基受伤退队，补选咗效力里尔嘅保治文，防守存在隐忧，今场更加唔会轻率进攻。

　　波斯尼亚先求稳守

　　波斯尼亚防守能力不俗，作客打和意大利同主场闷和荷兰，都见到佢哋嘅防守效率同组织性有一定水准，今场作客又有王牌射手迪斯高缺阵，肯定会先求稳守，欠缺数胡人物嘅荷兰要攻破客队防线亦难度唔细。荷兰近5场欧国联赛事，有4场都係喺上半场打和，今场再开半场和机会极大。