欧国联A1组榜首大战，意大利主场迎战波兰。意大利今场因主帅文仙尼确诊新冠肺炎唔会带队，球队亦受疫情影响备战，既有球员退队，又要补选等等，不过，意军喺文仙尼接手调教下，早已有一套固定作战模式，佢哋8场欧国联全开2球或以下，今场捧2.5球入球细啱数。

　　意大利喺文仙尼接手后，旧年主力应付欧国盃外围赛，结果豪取10连胜入37球失4球，更有唔少意大利传媒将佢同纳比相提并论。不过，文帅喺对待欧国联又有另一套手法，讲到尾欧国联只係「高级版热身赛」，球队只係将欧国联当练兵之用，好似今轮赛事，文仙尼一次过召入40多名球员，胜负唔係最重要，如何确立战术体系先至係重点。

　　其实，从「蓝衫军」上届同今届欧国联共8场嘅战果可见一斑，8场赛事获2胜5和1负，只入过5球失4球，继续其稳健防守，确立传控踢法，队波冇咗边个球员都影响不大，甚至今场连文仙尼都唔督师，球队战术都可以顺利执行。

　　罗拔仔踢国家队入球率低

　　波兰今届同上届欧国联都係意大利同组，3次对赛只得2和1负，不过，今场佢哋亦唔急于赢波，球队现时以7分排榜首，分别领先意大利同荷兰1分同2分，今场和波对佢哋嚟讲都係一个几好嘅赛果，可以到最后一场先同荷兰决一死战。首席球星罗拔利云度夫斯基踢国家队入波唔多，球队中场供应同拜仁始终差啲，相信今场都係以稳为先，捧2.5球入球细。