周五凌晨西甲焦点大战，皇家苏斯达主场硬撼巴塞隆拿。巴塞近期连连失利，急需一场胜仗重拾自信，对手皇苏虽然实力强劲，但巴塞胜在有往绩支持，今场有本钱反客为主，客胜值得留意。

　　继早前欧霸盃8强次回合失利，遭法兰克福淘汰之後，巴塞上场再於主场遭遇滑铁卢，输畀下游分子卡迪斯，面对上任後最大危机嘅主帅沙维，赛後直言对争冠感到悲观。现时巴塞虽然高踞前列，但前4位置仍未稳固，仲要继续抢分。

　　作客坚劲4连胜
　　虽然近况有所下滑，但不得不承认喺沙维执教之後，巴塞整体表现有提升，尤其联赛近4次作客全胜，包括曾击败华伦西亚，以及喺西班牙国家打吡，以4比0横扫死敌皇家马德里，都系极具说服力嘅演出。

　　仲有机会争取欧联席位嘅皇苏，今季主场表现稳定，但并非不可攻破，之前曾先後不敌皇马同维拉利尔。况且皇苏近4次联赛面对巴塞全败，包括今季首循环交手以2比4输波，今场有奥巴美扬及奥士文尼迪比利等进攻好手助阵，巴塞誓要一吐近期连败乌气，客胜值博。