今晚继续有英超赛事，般尼主场迎战修咸顿。般尼炒领队後上仗即有分落袋，今场要继续搏命，修咸顿踢「风流波」冇压力，近期表现飘忽冇得估，不过既然两军近年交手旺开大，相信今仗入波唔会少，一於再追中位数2.5球嘅入球大。

　　炒完教练有起色

　　般尼上周宣布辞退主帅戴治，助教同守门员教练亦都全部炒鱿，青年军教头米克积逊暂代领队，人事变动後上仗作客韦斯咸，即凭韦格贺斯入波，以1比1赛和对手，抢得1分。虽然韦斯活特上仗断脚收咧，对球队实力有一定影响，不过为求护级，相信般尼今场仍会继续抢攻。

　　修咸顿近期踢风流波，连场失分後，上场凭碧拿历克建功，1比0击败阿仙奴，不过唔好忘记，佢哋前仗主场对车路士大败0比6，今仗作客战意难估失波唔奇。睇番般尼对修咸顿近5次交手4次开3球或以上，包括首循环踢成2比2，今仗再交手，入球大可期。