欧霸淘汰圈附加赛次回合大战，重现强大火力嘅巴塞隆拿作客再斗意甲雄师拿玻里。两队首回合踢成1比1平手，同时展示出强大创造力，今仗为晋级肯定继续驳火。两支劲旅均拥有优质射手，踢法同样攻强于守，入波多之余失球亦唔少，预料今仗会系大手交易，2.5球嘅入球大值得捧场。

　　巴塞隆拿首回合主场落后下打和拿玻里1比1，其实佢哋全场占尽优势，制造多达21次埋门，若非「败家仔」费伦托利斯连环失机，绝对可以带住领先优势作客次回合。巴塞喺冬窗引入多位优质射手，经过几场磨合后慢慢建立默契，近期所见有显著成效，主帅沙维心目中嘅进攻模式已经出现，上场联赛作客4比1大破华伦西亚，就见到进攻火力重拾昔日光彩。

　　后防有漏洞难保清白身

　　喺冬季转会窗加盟嘅加蓬射手奥巴美扬上仗连中三元，喺西甲成功开斋，对佢同球队嘅信心都大有帮助，加上获「解冻」重用嘅奥士文尼迪比利状态大勇，呢对昔日多蒙特孖宝嘅化学作用非常好，令进攻更加锐利。不过巴塞后防并唔算稳健，中坚碧基速度不足成为反击漏洞，恐怕难保清白之身，倒不如以攻代守。

　　由于今届不设作客入球优惠，拿玻里上仗拎到入波亦要重新嚟过，相信主场会踢番拿手嘅进攻足球。尼日利亚箭头域陀奥森汉上仗联赛都有斩获，配合中场施连斯基及恩斯治尼等人支援，必令客队防线风声鹤唳。事实上拿玻里火力都唔输蚀，近9仗赛事全部取得入球，单计近4仗欧霸主场总入球全开3球或以上，2.5球入球大不妨再追。