今晚西甲补赛，「床单兵团」马体会主场迎战利云特。马体会为争入前4近期火力全开，撞正防线犹如纸紮嘅包尾大幡利云特，必定抢缰冇留手，半场主胜有计。

安祖哥利亚脚风顺

马体会今季联赛踢咗23仗失33球，上季全季都只系失25粒，防守明显走样。既然搞唔掂防守，主帅施蒙尼惟有喺进攻方面着手，马体会近5仗联赛仅1败，更多分析请浏览华体网并且攻入13粒，安祖哥利亚呢5场入6球，脚风仲顺过射手苏亚雷斯。「床单兵团」依家同排第4嘅巴塞隆拿一样有39分，而皇家苏斯达只落後佢哋1分，前4之争激烈，今仗遇鱼腩不容有失。

讲到防守差，利云特可谓曳绝西甲，踢咗23仗就丧失50球，近期更系好似食咗泻药咁，近5场联赛4度落败兼狂失14粒，其中4场败仗半场已经落後，包括作客基达菲一开波即失守，犹如不设防，造访如狼似虎嘅马体会，睇怕半场都顶唔住。