另一英超劲旅利物浦，今晚英联杯第4圈作客英冠球队普雷斯顿。啱啱喺「双红会」大炒曼联嘅「红军」，虽然喺英联杯惯常派出副选阵容，但南野拓实及奥历治等后备兵绝对有质素，遇弱誓要数胡争上位。睇番佢哋喺呢项杯赛经常上演入球*，2.5球入球大有可取之道。

利物浦刚于联赛作客羞辱死敌曼联5比0，士气高昂，相信主帅高普喺英联杯场合会派更多副选落场，藉此激发佢哋嘅斗心，形成良性竞争，南野拓实、阿历士张伯伦、森美卡斯及奥历治等难得有机会担正，一定去到尽，好似上圈对诺域治，南野拓实就梅开二度，加上奥历治建功，协助「红军」大胜3比0晋级，可见呢班球员嘅战意及战力绝对唔失礼。

普雷斯顿踢法够直接

普雷斯顿于英冠徘徊下游，踢法简单直接，靠箭头艾美积及臣组织攻势及争取士哥，佢哋今届3仗英联杯全部至少入3粒，颇为进取。虽然利物浦实力赢对手几条街，但近年喺英联杯志在练兵，成绩只属一般，既然佢哋近5场英联杯有4次开3球或以上，转吼2.5球嘅大盘更稳阵。