周二凌晨世杯外欧洲区G组赛事，3连胜嘅荷兰将会主场迎战弱旅直布罗陀，全取3分当然冇难度，而且新帅尹戈尔重建球队需要立威，今仗会全力争取大开杀戒。「鱼腩」直布罗陀自知爆冷机会微乎其微，今仗只求争取入波，预计会踢得开放，开出中位数2.5球半场大机会浓。

　　荷兰喺尹戈尔回巢执教后，表现已经回复稳定，上任后4场世杯外有3胜1和，迪比、韦拿杜姆甚至阿积士中场卡拉臣都「士哥」频频，而且防线仲有尹戈尔用得最多（合共23次，追平尹佩斯纪录）、心目中嘅「明星中坚」迪维积孭飞，上月「橙衫军」就先后主场大炒黑山4球同埋6比1狂胜土耳其，够晒霸气！上场作客拉脱维亚虽然只小胜1球，但早段全力抢先机嘅战术并冇改变，尹戈尔回归4仗都喺上半场入波，当中3仗成功领先返更衣室。

　　欧洲鱼腩踢得开放

　　直布罗陀喺分组赛7战皆北排包尾，平均每场失球达到4球，虽然球队实力远远唔及对手，但直布罗陀争取入波嘅决心就异常高涨，近3场世杯外作客都成功「破蛋」，进取踢法亦令直布罗陀比赛格外开放，近5场世杯外作客，有3场半场总入球达3球或以上，面对抢缰嘅荷兰，捧半场大啱数。