周五早上自由盃16强首回合，奥林比亚会主场迎战国际体育会。虽然今届分组赛两度交手国体会赢晒，但时移世易，佢哋近况曳到冇朋友，作客冇本钱让波，宁捧奥林比亚会让球主胜。（周五早上8时30分开赛）

　　双方喺今届自由盃分组赛同处B组，国体会两循环赢晒奥林比亚会获首名出线，不过今时唔同往日，国体会自巴甲开咧后状态低迷，11场联赛赢得两场咁大把，单计近5仗只得3和2负未赢过，可谓差强人意，喺自由盃合共入8粒嘅泰亚高加夏度同尤尼艾拔图，突然失晒灵，返回联赛夹埋入得1球，难怪佢哋沦落到中下游，老将荷西古里路啱啱先帮秘鲁打完美洲盃，今仗唔慌会披甲，实力进一步受削。

　　奥林比亚会主场够硬淨
　　
　　巴拉圭球队奥林比亚会，喺分组赛要靠尾轮大胜塔奇拉6比2，同分之下凭较佳得失球先力压塔军获次名晋级，非常惊险。奥林比亚会今仗有老将后衞奥达维奴坐波监，而且分组赛两斗国体会输晒，吸取沉重教训后，一定先做好防守，加上佢哋近8次主场出击，只係输过1场，对住颓爆嘅国体会有机可乘，仲有得受让咁笋，让球主胜咪错过。