周四凌晨欧联外围赛第1圈次回合焦点战，波兰班霸历基亚主场火併挪超劲旅波杜基林特。历基亚首回合作客赢波，波杜基林特为收复失地要焗攻，呢班波有前冇后打死罢就，随时再演入球*，2.5球嘅大盘有计。

首回合双方大激斗，最终历基亚凭安列利省两粒，作客险胜3比2先拔头筹。不过呢支波兰球队依家有唔少伤兵之馀，祖兰奴域、柏赫特等因早前出战欧国盃啱啱先归队，未必立即担正，人脚不整，加上佢哋国内联赛未开咧，球员状态点都差啲。

有前冇后打死罢就

上季挪超盟主波杜基林特，唔单止首回合输波，仲有中场摩顿干拉特臣做埋「红牌阿姑」，今仗要坐波监，苏尔巴根同桑达苏亚利亦有伤，对球队影响唔细。

不过波杜基林特已经将成副心机放喺欧联，近5仗联赛赢得1场咁大把，明确留力为欧联搏杀，因此今仗一定同历基亚死过。尤其呢队波一向崇尚进攻，近4仗有3次开3球或以上，而且全部都有失波，明显重攻轻守，为收复失地必豁出去抢攻，预计今仗又係大手交易，2.5球嘅入球大乃不二之选。