智利轮换留力淘汰赛

　　周五早上美洲国家盃A组赛事，目前排第2位嘅智利大战巴拉圭。智利目前手执5分，已锁定出线权，今仗好可能会畀维达尔等主力休息，为淘汰赛保留实力；相反巴拉圭仍要为出线以至更高排名而努力，今仗战意更值得信赖，巴拉圭受让平半嘅下盘值得一试。

　　智利喺头3轮分组赛拎到1胜2和成绩，表现尚算理想，不过球队仍有主力前锋阿历斯山齐士受伤缺阵，锋力始终唔够锐利，而且维达尔、加利美度同艾兰古斯等年过30岁嘅老将，都已经连踢3场硬仗，体能已经消耗极大，为免一众年纪大嘅主力喺分组赛已经被「搾乾」，智利今场好大机会作出轮换，战斗力势必受到严重削弱。

　　避免第4名晋级8强撼巴西

　　巴拉圭目前只踢两场拎到1胜1负成绩，上仗面对热门阿根廷虽然以0比1落败，但全场有接近6成控球率，表现并唔係太失礼。虽然小组5队入面有4队可以晋级，巴拉圭出线前景係好乐观，但点都係愈早落实愈好，而且仲要尽力避免以第4名身份晋级，否则好大机会喺8强即刻遇上大热门巴西，因此今场赢波3分相当重要。翻查纪录，巴拉圭对上两次对智利都能够顺利奏凯，不过直取客W风险甚高，难得今场「让球盘」仲要係巴拉圭受让平半，下盘值博。另外，智利同巴拉圭虽然火力一般，但一见面就会驳火，近6次交手当中，有5次嘅总入球係3球或以上，信往绩可拣埋2.5球大盘。