离开高原脚仔软

　　周五清晨喺巴西举行美洲盃A组赛事，玻利维亚要硬撼乌拉圭。玻利维亚一向都係门口狗，离开高原主场例必脚软，不过乌拉圭近期前线亦死晒火，就算赢都唔慌多波入，2.5球嘅入球细有分头，值得捧场。

　　玻利维亚最出名梗係高原主场，好多强队造访都惊惊，但当佢哋离开高原，立即冇料到，佢哋唔单只今届头两轮美洲盃输晒，若果再计埋之前3届，更加录得10连败，战绩惨不忍睹。虽然玻利维亚上轮轮空有得抖抖，但佢哋经常畀对手揿住嚟砌，久守必失係迟早嘅事。

　　乌拉圭前线死晒火

　　论实力乌拉圭当然赢几条街，不过头两轮美洲盃只得1和1负，表现麻麻，连同之前世盃外在内，近5仗仅得3和2负，其中有4仗更加食白果。虽然箭头苏亚雷斯上轮入波逼和智利1比1，但佢同卡云尼两位老人家明显疲态毕露，亦係近期攻力下滑嘅主因。乌拉圭要赢玻利维亚应该冇问题，但相信会係苦战下小胜，客W只得1.13倍太乏味，既然乌拉圭近5仗全开2球或以下，2.5球嘅细盘有2.1倍咁好分，有买趁早。