今晚西甲焦点尚有CF格兰纳达主场硬撼巴塞隆拿。「地上最强」巴塞今季最大问题係客场出击分外保守，令攻力下降导致频频失分，今仗造访守强攻弱嘅CF格兰纳达，要破铁桶阵唔容易，捧3.5球嘅入球细更上算。

　　巴塞今季被马体会等前列分子甩开，最大死穴係客场脚软，虽然周中补赛作客险胜毕尔包，但总计开咧后8场联赛作客，其实只得4胜1和3负，当中7次开3球或以下，原因一来係破密集防守嘅板斧唔多，但最致命係主帅朗奴高文太过怕输，经常排出4231阵式，希望先控制中场，却造成得势不得分嘅结局，最经典係造访升班球队卡迪斯，佔得逾8成控球率但输1比2，认真羞家。

　　CF格兰纳达防守硬淨
　　另一边厢，CF格兰纳达胜在够实际，虽然今季16场联赛只入19粒，係前7名球队入球第2少球队，攻力偏弱，但主场出击特醒。CF格兰纳达开咧后8场联赛主场，取得5胜2和仅1败，只失9粒，其中有6场开3球或以下，包括以1比0击败西维尔，非常硬淨。加上双方近4次联赛碰头，有3次总入球都係1球起、2球止，今场3.5球嘅入球细更值得捧场。