第3圈撞正私房菜
　　啱啱喺英联盃4强被踢出局嘅曼联，英足盃第3圈赛事主场对屈福特，红魔鬼主帅苏斯克查一向对大小赛事都非常重视，皆因希望尽快取得执教曼联后首个冠军，曼联上届打入英足盃4强，今届当然希望再进一步，遇正「私房菜」够杀。曼联近7次主场对屈福特全胜，其中6次上半场领先，拣半场主胜。

　　相对英联盃，英超球队都较为重视历史较长嘅英足盃，「苏B」2年前执教曼联后，一直渴望捧盃，藉以证明自己领军实力，反驳批评声音，所以「红魔鬼」踢盃赛斗心一向有保证，上季欧霸盃、英联盃、英足盃都进身4强。

　　曼联今季4线作战，英超踢少一场下同榜首利物浦同分，另边厢由欧联转战欧霸盃32强，周中英联盃4强以0比2不敌曼城出局，值得留意嘅係，「苏B」正係当年三冠王成员，佢唔会因为要争联赛而盃赛留力，为咗增加捧盃机会，喺英联盃出局后，今场英足盃会更加肉紧，预料曼联可以速胜过关。

　　「大黄蜂」作客战绩曳爆
　　「大黄蜂」屈福特今季降落英冠后，表现一般，近8场作客只曾一胜，近两场作客都输波收场。「大黄蜂」踢盃赛表现更加令人失望，今届英联盃作客英乙球队纽波特郡都输1比3，上半场已经落后两球，摆明冇心争盃，更何况今场对手係状态同实力高几班嘅曼联，相信屈福特无力招架，红魔鬼够料半场搞掂。