踢埋就歇冬去到尽

　　德国盃今晚续演第2圈赛事，免费直播有场全德甲对决史特加主场硬撼弗赖堡。两军现时于联赛位列中游冇护级包袱，兼且踢埋今场就歇冬，可以出尽全力争晋级，加上往绩两队碰头例多波入，中位数2.5球嘅大盘属不二之选。

　　受疫情影响，今季德甲歇冬期缩短一大截，德甲踢完今轮德国盃，下个周末即1月2日已经重开联赛，对需要出战欧洲赛、或者护级嘅球队嚟讲真係冇得抖，但係今场两支主角史特加、弗赖堡就唔需要担心，事关佢哋一队排第7、一队排第10，真正比上不足、比下有馀，现阶段可以全力喺德国盃争取好成绩，唔使留力自然踢得更加搏命。
　　
　　弗赖堡勇锐近4仗不败

　　史特加目前联赛排名虽然高过弗赖堡，不过佢哋今季4场联赛胜仗全部喺客场取得，就算上圈德盃亦係作客情况下小胜德丙球队罗斯托克1比0，单计主场佢哋今季6场未赢过，所以主场出击亦冇必胜把握；弗赖堡踏入12月份愈战愈勇，对上4场联赛取得3胜1和，唯一失分对手係前列分子慕逊加柏，表现唔嘢小，佢哋今季联赛首循环作客曾经赢过史特加3比2，计牌面绝对唔输蚀。

　　史特加今季13场联赛入咗26球，与多蒙特并列目前德甲入波第4多球队，进攻火力有保证，何况双方对上15次喺正式比赛交手有14次开3球或以上，唯一例外嗰次都有2球交收，绝对唔使担心有闷场，2.5球大盘值得支持。