今晚另一场英联盃8强戏码，係英冠球队宾福特（图）越级挑战纽卡素。宾福特喺晋级过程先后淘汰3支英超球队，绝对唔惊「喜鹊」来袭，尤其主场出击踢得相当稳阵，宾福特近5场主场，4次同对手半场不分胜负，今场半场和值得捧场。

　　依家排英冠第4位嘅宾福特，今季英联盃表现理想，除首圈淘汰韦甘比，之后3圈都抽中英超球队，但宾福特仍然能够一一打败强敌晋级。第2圈2比0击败修咸顿，第3圈同西布朗踢成2比2后射赢12码晋级，16强面对富咸，不慌不忙赠对方3蛋，嚟到8强主场斗纽卡素，绝对唔係外界所谂嘅下风波。

　　宾福特最大威胁係24岁前线杀手艾云东尼，呢位英格兰前锋今季为宾福特射入16球，排英冠神射手榜第1位，呢位射手喺诺咸顿出身，其后喺2015至18年效力过纽卡素，但一直唔受重用，3年间被外借去5间球会，只为纽卡素上阵过2次，今场肯定会把握机会证身价。不过艾云东尼目标太大，纽卡素必定会作出针对性部署，重点箝制其活动范围。

　　纽卡素伤兵困扰难捱
　　纽卡素英联盃籤运唔错，一直只遇上低组别球队，但由于受到伤兵问题困扰，圣诞新年快车之中，再加插呢场英联盃8强，肯定令球队疲于奔命。「喜鹊」作客战术保守，近4场有3场半场和，同时宾福特近5次主场亦有4次半场打和，半场和属今场最佳*选择。