李斯特城王牌 占美华迪

　　李斯特城周一凌晨英超亮相，喺主场迎战白礼顿。「狐狸」整体实力摆明喺白礼顿之上，但状态有走下坡迹象，近3场英超输咗2场，况且白礼顿防守尚算稳阵，「狐狸」想赢唔係易事，考虑到双方近6次联赛交锋，有5次总入球开2球或以下，首选入球细。

　　李斯特城曾于季初首3场英超全胜，轰入12球，但其后表现开始跌Watt，主场成绩尤其令人失望，当中近4场联赛主场输3场，而且仅入2球，连新升班嘅富咸都搞唔掂，呢场就算遇上位处下游嘅白礼顿，都未必可以攞到甜头。值得留意嘅係，李城首席射手占美华迪今季9个联赛入波当中，主场只係入得1球，其馀8球都係作客赛事射入，「狐狸」呢场地头出击，反而不利「华Dee」嘅发挥。更何况佢哋啱啱周中踢完欧霸盃，相对以逸待劳嘅白礼顿，体力难免比较输蚀，想撕破「海鸥」防线恐怕有心无力。

　　白礼顿硬淨顶得两嘴

　　另边厢，白礼顿近7场英超有5场不败，包括打和劲旅利物浦1比1，踢法非常硬淨。白礼顿深知对手「狐狸」实力较强，预料会採取稳守突击战术，攞1分都够晒数，唔会冒险进攻，上季作客成功守和李斯特城0比0嘅白礼顿，呢场很大机会重施故技，合演一场攻防战，入球唔慌会多，中位数2.5球入球细谂得过。