日职前列大战，榜首嘅川崎前锋作客排第6嘅鹿岛鹿角。川崎前锋今季夺冠只係时间问题，佢哋依家唔使同你急，虽然近11场豪取9胜，但唔係一开波就丧攻，近11战半场全开1球或以下。鹿岛鹿角主场出击格外醒神，有力同前锋周旋，推介1.5球半场细。

　　今季川崎前锋喺日职所向披靡，季初连赢10场，虽然中间出现过小低潮，但重回正轨后又豪取联赛12连胜，喺积分榜大领放。然而，上轮对住下游分子北海道札幌冈萨多又忽然走样，以0比2败阵。

　　前锋上仗输波好大程度係同佢哋慢热有关，连盃赛在内，最近11场9胜共射入23球，但当中只有8球喺上半场射入，全部半场总入球均少于2球，如果球队下半场未能及时「挞着」，就会好似上轮咁输波。

　　鹿角遇强先稳守
　　鹿岛鹿角上场大胜横滨水手3比2，要进入前3、取得亚冠盃资格仍然有价讲。鹿角主场表现谨慎，唔会急于进攻，近7场主场4胜1和2负，但有6次上半场竟然无法取得入球，呢7场有6次半场总入球开1球或以下，预计鹿角硬拚1哥前锋都会先做好防守，今场上半场交收唔会多，捧半场细啱数。