乌克兰防线穿窿行衰运欧国联A4组赛事，德国主场迎战乌克兰。「日耳曼兵团」上仗热身赛大轮换，迪姆华拿、基拿比及却奥斯等主力都冇踢，以逸待劳备战今仗，乌克兰连战连败坚颓之馀，近年又畀德国食住，让1.5/2球照捧上盘。

　　格食格难破宿命德国日前热身赛对捷克，主帅勒夫事先张扬话会收起纽亚、基拿比、哥列斯卡、利莱辛尼、却奥斯及迪姆华拿等主力，只派副选同新仔出战，最终凭新入选嘅菲腊麦斯妙传禾特舒密特一箭定江山，小胜1比0，赛后更有庄拿斯荷夫曼、尼高舒侯斯同鲁宾高辛斯伤出，可见喺呢类国际赛期，识得避重就轻好重要，既能考察二线兵嘅表现，例如第2次为国披甲嘅中场科利安尼奥侯斯坚抢镜，亦可畀一众主力抖到够，喺今仗欧国联嘅正式比赛先搏杀。

　　乌克兰真係行紧衰运，上次国际赛期爆出「萨克达群组」，多名主力缺阵下係咁输，日前同波兰拍跳亦淨吞两蛋，初段仲有耶莫兰高射失12码，成为输波关键，查实乌克兰近5仗4度败阵，兼狂失15粒，黑到冇朋友。乌军主帅舒夫真高虽然係一代神锋，但无论做球员定出任领队，成日畀德国剋住，睇番两军近4次碰头，乌克兰只得1和3负，包括2001年11月世盃附次回合作客德国惨败1比4，无缘征战韩日世盃决赛周，当时「*」正係主力前锋，而上月欧国联交手主场输1比2，作为主帅嘅「*」亦冇晒计。 A4组形势紧凑，德国依家与乌克兰同分，落后1哥西班牙1分，今仗若果德国赢波，唔单止使乌克兰晋级无望，亦令德国喺尾场作客西班牙成为争取出线嘅生死战，挟格食格之势可再下一城。