防线多甩漏以攻代守
　　今晚英超爆发「红蓝对决」，曼联喺主场硬撼车路士。曼联虽然弗番连赢2场，但防线依然漏洞百出；车仔今季同样攻强守弱，对住西布朗、修咸顿等中下游球队亦要各失3粒，预计双方今仗都係以攻代守，实多波入，2.5球嘅入球大係不二之选。

　　曼联本周公布年度财政报告，受疫情影响，总收入下跌18.8%，由原本6.27亿镑下跌至5.09亿镑，足足跌咗1.18亿镑，当中转播收入损失最多，由2.402亿镑下跌至1.412亿镑，真係睇见都肉赤。收入减少之馀，曼联负债亦随之急升，由1年前嘅2.036亿镑，上升至4.741亿镑，负债劲升132.9%。不过班主格拉沙家族仍然获得约2,000万镑（约2.03亿港元）年度分红，坚无耻。由于疫情仍未过去，英超仲係闭门进行，呢个情况未知要持续到几时，曼联可能要勒紧裤头过日子，未必可再大洒金钱买人。

　　虽然曼联现有人脚唔差，周中欧联作客巴黎圣日耳门凭拉舒福特绝杀险胜2比1，自联赛1比6输畀热刺后已连赢2场，不过2场比赛都有失波，其中上轮联赛对纽卡素除咗先失守，亦要多得门将迪基亚喺打和1比1时作出神救，避免再度落后，之后先有机会连轰3球致胜，无论用传统4后衞或改踢3中坚，都畀唔到人信心，惟有靠近期脚风转顺嘅拉舒福特、般奴费南迪斯（足智彩前译波基斯费南迪斯）用入球弥补后防缺陷。

　　近4次交锋共轰13球
　　车仔周中同样要出战欧联，喺主场以0比0赛和西维尔，新加盟嘅塞内加尔门将艾度亚文迪伤愈复出，暂时解决门将不稳问题，不过由葛特苏马及安达斯基斯坦臣组成嘅中路组合，上轮联赛对修咸顿形同虚设被逼和3比3，老将堤亚高施华周中欧联又搏足全场，体力上未必可以接连应付2场大战，好难顶得住近况甚弗嘅曼联锋线。好彩前线嘅迪姆华拿及夏维斯逐渐入局，上仗联赛包办球队3个入波，令车仔开咧5场联赛轰13粒，明显有前冇后。两军上季4次交锋，一共炮製13个入球，而且「红魔」开季至今7场全开3球或以上，再开2.5球嘅大盘唔难。