欧联G组，基辅戴拿模主场迎战祖云达斯，乌克兰劲旅基辅戴拿模跨届近7场欧联主场不败，其中5场更保持不失，绝对唔嘢小。意甲豪门祖记缺少确诊新冠肺炎嘅王牌C朗，攻力受削弱，要攻入对手大门唔易。考虑到祖记上届欧联作客分组赛上半场都打和，一于再追半场和。

　　基辅守稳顶得吓
　　基辅戴拿模未能打入上届欧联分组赛，会方今年7月请来罗马尼亚名帅卢捷斯古执教后，表现大为改善，近7场赛事更加取得6胜1和，状态唔错。其中喺欧联第3圈外围赛以2比0击败荷甲球队阿尔克马尔，以及附加赛两回合「双杀」真特，都赢得好有说服力，愈踢愈有信心，佢哋跨届近7场欧联主场不败，当中5场冇失波，防守硬淨，有力同祖记抗衡。

　　祖记今夏搵来冇教波经验嘅名宿派路领军，表现进退失据，上场意甲竟然只能逼和新升班球队克罗托内，已经连续2场作客和波。最大镬都係首席球星C朗缺阵，呢位葡萄牙球王唔只係球队入波泉源，而且係精神领袖，祖记冇咗佢，想攻破基辅防线，势必举步维艰。尤其祖记欧联作客成绩麻麻，跨届近7场欧联作客只有2胜，参考佢哋上届欧联分组赛3场作客嘅上半场比数，有2场0比0及1场1比1，半场和值得追捧。