周三早上美洲金盃4強大戰，海地將會同墨西哥競逐決賽席位。墨西哥今屆喺阿根廷名帥馬天奴帶領下，大打進攻足球，前場火力有目共睹，加上海地今屆場場都有波入，呢場有本錢同墨西哥斗攻，入球大係不二之選。

　　馬天奴領軍專打進攻足球

　　曾經執教西甲豪門巴塞隆拿嘅阿根廷名帥馬天奴，年初接手墨西哥之後戰績彪炳，其崇尚進攻嘅踢法更係深得球迷心，今次美洲金盃佢堅持一貫進取打法，成功帶領墨軍殺入4強，4場戰罷狂入14球，其中前鋒魯爾佔美尼斯已經獨取4球，包括上仗8強戰為球隊打開記錄。呢位效力狼隊嘅射手，過去一季喺英超射入13個聯賽入波，已經搶盡風頭，呢場有佢擔正，墨軍攻力有保證。

　　今屆喺美洲金盃改制之後，海地首次闖入4強，球隊早前先後擊敗哥斯達黎加同加拿大兩支強隊，表現夠曬正氣，可以話已經超出預期，尤其一班攻擊手狀態弗爆，場場都有波入，呢場放開包袱照辦煮碗同墨西哥斗攻，入球大值得留意。