在埃及舉行的非洲國家盃周三凌晨上演分組賽末輪大戰，安哥拉火併馬里，馬里為保Ｅ組1哥身份晉級，呢場肯定會以3分為目標，球隊有多位進攻好手壓陣，火力強勁，要應付踢法單調嘅安哥拉絕對綽綽有馀，客勝有計。

　　講番場波，馬里上仗以1比1賽和突尼西亞之後，暫時以4分暫居E組榜首，雖然呢場只要打和都可確保出線資格，不過由於同組突尼西亞末輪有機會大炒毛里塔尼亞昇上榜首，為咗16強可以避開較強對手，馬里肯定希望以一場勝仗力保1哥身份。可幸球隊整體表現同戰術十分成熟，尤其波圖前鋒馬利加等攻擊手質素上乘，入波瓣數極多，全取3分絕對冇難度。

　　安哥拉靠老將沖鋒冇料到

　　相反，安哥拉進攻組織同踢法都過於簡單，上仗同實力一般嘅毛里塔尼亞只能悶和0比0，前場把握力明顯疲弱，僅靠35歲老將馬迪奧斯喺前場單打獨斗根本難有作為，呢場更加難以威脅到整體發揮出色嘅馬里，捧馬里客勝冇有怕。