東道主埃及雖然喺首輪壓住對手嚟砌，但只憑馬莫特查斯古特一箭定江山，以1比0小勝津巴布韋，王牌穆罕默德沙拿更連番失機，但阿King覺得沙拿表現唔差，而且對手門將「上曬身」嘅神勇演出，亦成為呢位利物浦前鋒交白卷原因，但經過呢場熱身之後，相信沙拿今仗會嚟料。相反，剛果民主共和國首輪淨吞烏乾達兩蛋，尤其係3位外流歐洲嘅魯爾迪瑪、泰沙蘭及馬素阿古，表現差強人意，為出線今仗要焗攻，只會益曬反擊銳利嘅埃及。加上雙方近5次交鋒，埃及取得4勝1和壓倒性優勢，明顯格食格，讓球盤埃及讓一球都冇有怕，上盤捧得過。