今晚亞冠16強次回合大戰，韓職班霸全北汽車主場再斗上海SP。全北汽車首回合1比1同對手打和兼搶得關鍵作客入球，晉級形勢大好，加上球隊近年亞冠主場恰慣中超球隊，亦唔會畀上海SP翻身，全北讓半一，1.89倍上盤有捧場價值。

　　力爭隊史首座亞冠冠軍嘅上海SP，繼2016年16強遭全北汽車淘汰後，今屆又喺淘汰賽階段遇上呢位老對手。當年以初哥身份首次闖蕩亞冠舞臺嘅上海SP，首回合主場0比0悶和對手，次回合遠征南韓大敗0比5，留下慘痛經歷。

　　今年兩隊再遇，形勢可謂大同小異，上海首回合主場依然贏唔到波，開賽僅1分鍾就畀對手文善敏閃電攻陷，及後雖有後衞王燊超入波扳平，但已畀全北拎到個好重要嘅作客入球。

　　主場恰慣中超兵

　　礙於形勢，上海今晚一定要拎到入球至有機會晉級，可惜主力於海有傷在身，今晚上陣成疑，作客難同經驗十足嘅全北汽車周旋。況且全北汽車近12場亞冠主場贏咗10場，其中近8次亞冠主場斗中超球隊，取得5勝3和，明顯應付中超兵特別有心得，今仗讓半一屬合理盤口，上盤唔好錯過。