捷克喺Ａ組主場追擊黑山。黑山近年發揮反覆，最大名氣嘅祖維迪仲因傷未有入選，前線能力一般，後防表現亦唔掂，近7戰場場有失波，遇正主場夠惡氣嘅捷克預咗捱打。捷克上仗打開分組賽勝利之門，乘勇可再下一城，讓半一照捧上盤。

　　黑山缺祖維迪有麻煩

　　Ａ組5隊入面睇落都係英格蘭鶴立雞群，另一出線資格包括捷克、科索沃、保加利亞同黑山4隊機會均等。捷克上周喺主場靠柏德列舒希克省兩粒，2比1反勝保加利亞，保持主場氣勢，近12次主場出擊只輸過3場，對手分別係德國、巴西同烏克蘭。

　　黑山近5戰不勝近況低迷，喺小組仲未開齋，後防穿窿係主要原因，今輪國際賽期更有祖維迪缺陣。難得對手有主力唔踢得，捷克肯定趁佢病攞佢命，今場必全力搶3分。