周五日職獨腳戲，湘南比馬迎戰橫濱水手，兩軍近況此起彼落，湘南比馬剛戰大敗急求反彈，而上仗主場大捷的水手又不擅作客，預計今仗勝負難料，幸兩軍近3場比賽總入球全數在4球以上，可謂「入得又失得」的球隊，今仗捧「入球大細」中位數[2.5/3球]的「大」。

　　湘南比馬今季狀態起伏不定，早前作客3:2擊敗浦和紅鑽，主場又2:2賽和北海道札幌岡薩多，但上仗卻1:4意外大敗予近況極頹的神戶勝利船，預計今仗湘南比馬定必矢志反彈，奈何事隔五日匆匆再戰，該隊防線肯定未能及時調整，隨時再出現大手交易。

　　反觀橫濱水手連續兩場聯賽大勝，分別以4:1擊敗勝利船及4球大炒磐田山葉，其中入球能力分散平均，兩名巴西外援馬高斯祖利亞和艾迪加祖尼奧，以及日籍前鋒仲川輝人、李忠成和三好康兒都有「士哥」，預計今仗可繼續添食；不過水手今季離開主場水准明顯下滑，近兩場客戰都敗陣，故寧捧入球「大」等睇入球騷。