利物浦半力作客照捧

　　軍情
   
　　修咸頓上圈英聯盃仍派強陣出擊，中堅哈活比里斯、翼衛菅原由勢，中場烏克祖克胡、前鋒阿當岩士唐及甘馬倫阿奇正選出場。球隊由哈活比里斯及阿當岩士唐上半場入波，領先兩球；雖然下半場早段已被追平，幸季內聯賽上陣機會不多的左閘占士比爾尾段奠勝，令球隊驚險過關。前鋒保羅安亞祖傷癒，今場有機會掛帥，磨起狀態。

　　利物浦上圈英聯盃只半力出擊，門將用三號的查路斯，左閘干拿巴特利、中堅查洛爾昆沙、中場遠藤航、泰拿摩頓悉數擔正；而蘇保斯拉爾推前跟居迪斯鍾斯攻堅。兩翼加普及路易斯迪亞斯該仗包辦3球，帶領球隊作客贏波過關。中場主力阿歷斯麥亞里打早前接連在歐戰及聯賽停賽，今場盃賽有望跟傷癒後上仗聯賽攻入扳平士哥的迪亞高祖達，齊齊正選。

　　修咸頓
　　受傷：路斯史釗活（前鋒）、拉爾拉拿（中場）、碧拿歷克（後衛）、藍斯達爾（門將）
　　停賽：積克史提芬斯（後衛）

　　利物浦
　　受傷：伊巴希馬干拿迪（後衛）
　　停賽：安德魯羅拔臣（後衛）

　　近況
 
　　聯賽包尾的修咸頓繼淘汰英冠卡迪夫城及英超愛華頓後，上圈遇上英冠史篤城，主場贏3比2過關，過程驚險；球隊在聯賽形勢相當不妙，盃賽續在主場出擊，只會多用副選登場，加上今場卻遇上「英超一哥」，恐會行人止步。利物浦雖然多條戰績作戰，但表現長期出色；繼之前一圈大炒韋斯咸後，上圈又作客力克白禮頓，出場陣容又不算太弱，實力秤先，今場簡單博客勝。

　　往績
 
　　雙方近6次交手，利物浦5勝1和；上次勝3比2。