曼城返主場勝券在握

　　軍情

　　曼城上仗歐聯只能半力出擊，文路爾艾簡治及新人森遜普斯扼守中路；歷高利維斯打右閘，馬菲奧斯紐尼斯打左閘。球隊由攻中菲爾科頓早開紀錄，但之後兵敗如山倒，完全無法箝制對手中鋒進襲；加上曼城箭頭艾寧夏蘭特主射12碼宴客，最終大敗而回。今戰主場出擊，預料奇雲迪布尼、根度簡及史東斯等三線主力，有機會擔任。

　　飛燕諾上仗歐聯用伊戈柏斯奧及年輕新星伊巴謙奧士文任雙箭頭；亞洲中場好手黃仁範及新晉國腳昆田添巴，仍在中場坐鎮。但球隊表現在水準之下，只由半場入替伊巴謙奧士文的夏積穆沙追近比分；但不久即有另一後備出場的尼迪積紅牌被逐，球隊尾段再失1球，主場受挫弱旅。

　　曼城
　　受傷：奧斯卡卜比（中場）、洛迪卡斯簡迪（中場）、基亞利殊（前鋒）
　　停賽：／

　　飛燕諾
　　受傷：史甸格斯（中場）、辛迪亞高基文尼斯（前鋒）、上田綺世（前鋒）
　　停賽：尼迪積（中場）

　　近況
  
　　曼城上仗歐聯作客1比4不敵士砵亭，分組賽連勝兩弱旅後遭遇重擊；球隊各項賽事已錄得5連敗，但今場級數遠勝對手，主攻出擊，對手不易抵擋，有力反彈。飛燕諾上仗歐聯主場1比3不敵弱旅薩爾斯堡，令人大跌眼鏡，亦反映該隊在傷兵困擾下，替補球員大賽經驗不足；雖然今季分組賽作客連勝，但當時陣容較齊整，對手偏弱；今場硬撼志切反彈的曼城，輸少當贏。

　　往績
  
　　雙方近2次交手，曼城全勝；上次勝1比0。