伦敦打吡战，由力保欧洲赛资格嘅车路士，喺史丹福桥球场迎战水晶宫。蓝战士虽然成绩下滑，兼伤兵满营，但过去11次斗水晶宫赢晒，正好趁住对「私房菜」借势反弹，简单要个主W。

        车路士近8场只得1胜1和6负，战绩确系几难睇，但因为球队受严重伤兵困扰，据英国传媒报道，老板保利仍然非常信任领队朴达。反而呢个美国商人对部分贵价球员表现不满，例如9,000万镑嘅夏维斯、5,800万镑嘅基斯甸普列锡同3,800镑嘅薛耶治，如果嚟紧半季佢哋表现仲系停滞不前，喺伤兵潮过後，就会审视会唔会将佢哋卖走。

        水晶宫接连不敌伦敦球会

        蓝战士落後「争标集团」多个身位，为力保欧洲赛资格，主场袋3分系基本。好彩球队过去4季都系「伦敦之王」，喺打吡战中成绩最好，尤其对住水晶宫更系格食格，近11次交手均录得全胜。

        水晶宫季中曾经出现小阳春，可惜世盃後打回原形，圣诞新年快车3战1胜2负，两场败仗分别喺主场不敌富咸及热刺，正正就系伦敦球会，今场作客车路士更加冇运行。以车仔状态好大机会小胜1粒，锺意博吓指数嘅朋友，不妨小试3.3倍让球和。