今晚英冠有场前列对决，昆士柏流浪（QPR）主场硬撼榜首般尼。QPR主帅米高比尔被撬走，队内军心大乱，般尼仲唔趁你病攞你命咩，客队小让平半必捧上盘。

　　主帅米高比尔被格流撬走

　　喺10月一度频频报捷嘅QPR，临世盃开打前突然跌Watt，近5场联赛录得1和4负，当中4场入唔到波，明显出现信心危机。本来QPR想趁世盃期间进行调整，点知呢段空档期苏超格拉斯哥流浪怒炒教头云邦贺斯，并将QPR主帅米高比尔撬走，搞到QPR立立乱，球队总监兼名宿费迪南嬲到震，依家仲搵紧人接手，暂时由保罗贺尔担任看守领队，唔多靠得住。

　　虽然般尼主帅高柏尼都有传将接手比利时国家队，但吹水成分居多，前锋萨洛利现正为摩洛哥出战世盃，好在仲有箭头艾殊利班尼斯及积洛迪古斯等人撑住。事实上般尼摆脱季初攻力不足嘅问题，目前联赛已攻入40球，火力冠绝英冠，难怪喺世盃更多分析浏览华体网前7场联赛，豪取6胜1负佳绩，造访军心不稳嘅QPR，有力反客为主。