周三凌晨英格兰联赛锦标北部B组赛事，英乙球会灿美尔越级挑战英甲球队保顿。主队灿美尔今季表现飘忽，而且星级前锋格拉施受伤缺阵，对住喺英甲愈踢愈勇嘅保顿明显低一班，捧客胜稳阵。

　　灿美尔今季表现低迷，近6仗赛事输咗4场，喺英乙只系排中下游位置，今季目标都系放喺联赛护级战上，英锦标多数唔会出尽全力，何况球队向利物浦借用嘅21岁前德国U18前锋格拉施，早前啱啱伤愈复出即刻又再受伤，将会缺席一段长时间，大大削弱灿美尔进攻嘅能力。

　　客军4连胜轰入10球

　　保顿喺英甲成绩突出，上场联赛以1比0击败彼德堡後升上第5位，有力争逐升班资格，球队目前正经历4连胜强势，而且入球量亦不俗，共攻入10球，包括喺英锦标北部文章摘自华体网B组首仗以4比1大破克鲁，球员状态同士气高昂，今场有力再奏凯歌。