今晚欧联E组激战，车路士换帅後再上征途，主场迎战萨尔斯堡。车路士首轮作客不敌萨格勒布戴拿模，赛後领队杜曹立刻被炒，会方从白礼顿撬入朴达，由於事出仓卒，将帅磨合需时，预计今场都系稳字行头，一於捧3.5球入球细。

　　车仔上周怒炒杜曹，唔够48小时就宣布由朴达接手。朴达喺白礼顿都系用紧传控战术，同车仔本身踢开嘅差唔多，不过能否「无缝衔接」言之尚早，由於英超暂停，朴达首场领军就系欧联，做打工仔嘅梗系醒醒定定，最紧要唔好输，否则换嚟一句「咪一样」，都几冇瘾。车仔今季後防不稳影响成绩，连欧联在内7场得1场冇失波，合共失咗10粒，预料朴达会作出针对性部署，夏天从白礼顿转投车仔嘅古古列拿，同朴达故剑重逢，可望继续获得重用。

　　萨尔斯堡近年系欧联常客，但实力同传统欧洲劲旅有段距离，佢哋亦有自知之明，唔会同人斗攻，上轮主场就同AC米兰踢成1比1，近5场欧联有4场总入球开2球或以下，今场宁捧入球细好过。