另一支英超球队热刺将会喺欧联D组作客对战士砵亭，双方上轮分组赛都赢波，但论整体实力，英超劲旅热刺无疑较强，而且季初已经操起状态，近5场比赛取得4胜1和。反观士砵亭表现飘忽，季初葡超Big３大战净吞波图3蛋，打硬仗输蚀，热刺让平半，上盘抵玩！

　　热刺季初状态已操起，犹记得佢哋季前拉队去南韩集训，全队丧跑嘅壮烈场面，连出晒名体力托弗嘅孙兴民同哈利卡尼都跑到呕泡，所以依家全队球员状态一流，今季新加盟嘅巴西翼锋李察利臣上仗欧联梅开二度，佢同哈利卡尼、孙兴民组成锋线威力强大，今场作客都有本钱同士砵亭斗攻。

　　进攻三叉戟愈踢愈顺

　　讲到防守方面，热刺喺领队干地调教下，惯用嘅稳守突击发挥流畅，虽然佢哋放弃控球比率，有时候会畀对手围攻，但热刺胜在守得够稳，再凭快速攻守转换交畀前锋三叉戟进攻，威力十足。

　　葡超球队士砵亭虽然上轮分组赛作客以3比0击败法兰克福，但佢哋水准有欠稳定，近4场比赛输咗2仗，包括喺葡超0比3输畀波图，今场对实力分子热刺，就算有主场都顶唔住，热刺让平半咁笋要得过。