英超强弱悬殊之战，曼城主场对诺定咸森林。衞冕嘅曼城今季签入挪威射手艾宁夏兰特，实力如虎添翼，加上「蓝月亮」对弱队绝不手软，早前大炒另一支新升班球队般尼茅夫4蛋，预料会再次大开杀戒。不过「蓝月亮」防线唔多稳阵，翻查曼城跨季近5场联赛主场总入球皆达4球或以上，最好再追中位数3.5球嘅入球大。

夏兰特弗到冇朋友

曼城自艾宁夏兰特加盟後，火力进一步提升，呢位挪威国脚身材高大，速度亦非常快，令曼城进攻更立体。「蓝月亮」上仗对水晶宫，即使落後两球，都可以反胜4比2，艾宁夏兰特头顶脚踢轰入3球，其中一球更系力压对方两位後衞射入，实在非常「屈机」，等闲之辈难以阻挡佢入波。

不过，曼城主攻嘅同时，防线不时出现甩漏；早前作客纽卡素，竟然失咗3球，上仗对水晶宫所失两球，亦暴露球队不擅於防守死球。加上两位中坚尼敦阿基、拿朴迪有伤在身，领队哥迪奥拿短期内难以重整防线，未必可以保持清白之身。

至於诺定咸森林相隔23年後再战英超，仍然需要时间适应，现时成绩亦未如理想，踢4场联赛仅1胜1和2负，上仗主场吞热刺双蛋，今仗作客曼城，随时大败收场。