U23亚洲盃B组赛事，上届季军澳洲U23首仗面对科威特U23，牌面上澳洲U23明显较高，不过佢哋嘅备战受到联赛影响，唔及已集训多时嘅科威特U23，而且双方都属守优於攻嘅球队，大赛首战必定格外谨慎，博中位数2.5球嘅入球细。

科威特U23守得吓

呢支澳洲U23以2024年巴黎奥运为目标，阵中唔少球员都已经喺澳职累积咗唔少经验，好似中岸水手中场祖殊尼斯毕、阿德莱德联前锋古辛尼恩基等，不过部分球员喺上个星期先踢完季後赛同明星队赛事，之後就匆匆归队，备战时间不足，或会影响赛事初段表现。

澳洲U23球员防守效率可靠，但进攻能力不足，对上3届9场分组赛当中，有6场总入球开2球或以下，踢法明显重守轻攻。科威特U23喺外围赛两战全胜只失1球，防守力同样值得信赖，今仗有力抵挡未上力嘅澳洲U23进袭，宜先向2.5球入球细埋手。