今日下晝澳職獨腳戲，墨爾本勝利主場迎戰威靈頓鳳凰。仍有望打入前2嘅勝利，今季防守夠硬淨，呢場面對近況不俗嘅鳳凰，勝利有地利都唔敢輕敵，戰況隨時陷入膠著，中位數2.5球入球細好路。

　　勝利嘅4月密集賽程即將嚟到尾聲，喺常規賽餘下兩場嘅情況下，球隊想沖擊首名有一定難度，但打入聯賽前2，並取得季後賽4強資格，絕對唔係冇可能。作為今季澳職常規賽失球數最少嘅球隊，勝利進攻火力雖然稱唔上係一流，但防守表現絕對有保證，而且球隊聯賽已經累積13場不敗，其中近4仗主場有3次開2球或以下，有望靠穩陣嘅防線表現，繼續搶分。

　　鳳凰防守一樣有料到

　　賽前排名第5嘅鳳凰，係前半版球隊之中失球數較多嘅一隊，呢支新西蘭球隊要繼續為保住季後賽席位而努力之餘，亦要提防因為後防失誤而輸波。回顧往績，勝利近3次聯賽主場面對鳳凰，全部開2球或以下，而且只係贏過1場，雙方為免輕易失分，呢場未必會踢得太進取，中位數2.5球入球細值得留意。