今晚欧霸盃4强首回合，德甲球队RＢ莱比锡主场对苏超格拉斯哥流浪。莱比锡3线作战明显出现疲态，格流作客初段亦唔会谷得太上，1.5球半场细够晒稳阵。

　　德甲「狂牛」RＢ莱比锡由欧联「降格」转战欧霸盃後，主场表现并唔算突出，上两圈先後打和皇家苏斯达及阿特兰大，即使有地利亦不宜高估。而且佢哋已经杀入德盃决赛，联赛亦只领先第5位嘅弗赖堡2分，估计唔会孤注一掷博欧霸冠军攞欧联入场券，因此每仗都要小心部署，唔好期望佢哋一开波就抢。

　　格拉斯哥流浪斗志顽强

　　苏超班霸格拉斯哥流浪於今届欧霸入波最多球员，系入咗6粒嘅後衞达华尼亚，反映一众前锋交唔到货，不过佢哋胜在斗志顽强，今仗客场出击必屯重兵防守，希望全身而退。翻查莱比锡近3仗欧霸，半场全开1球或以下，转捧1.5球嘅半场细。