今晚欧霸8强次回合上演生死战，巴塞隆拿主场硬撼法兰克福，两军嘅德国门神奇云查普与达史特根再次正面交锋。首回合法福踢出锐利反击，巴塞吃尽苦头下逼和1比1算系执到，今仗务必小心为上，加上佢哋近期喺鲁营出战欧洲赛入波唔算多，2.5球嘅入球细更值博。

　　巴塞首回合先失波底下，凭後备上阵嘅法兰基迪庄同奥士文尼迪比利一次美妙组织，造就费伦托利斯扳平1比1。赛後主帅沙维强调对手嘅反击极具威胁，能够全身而退已经好满意。法福首回合有後衞杜达「两黄一红」被逐今仗停赛，冇咗呢位主力中坚指挥防线，造访「地上最强」一定先做好防守。

　　今仗另一焦点系两队嘅德国门神对决，法福嘅奇云查普同巴塞嘅达史特根喺国家队长期屈居纽亚之下，甚至有指达史特根近年表现冇咁稳定，令奇云查普有望争做第二把交椅，上次国际赛德国对以色列佢就救出极刑，欧霸首回合亦演出身价屡救险球，不过「达仔」近排有回勇迹象，上仗联赛对利云特勇救12码，两人一定使出浑身解数守住城池，证明自己先系纽亚头号接班人。

　　巴塞欧战主场少交收

　　巴塞自从冬窗买入奥巴美扬及费伦托利斯等前锋後，进攻有明显改善，但之前一直紮住上嘅中坚碧基今仗多数缺阵，焗用基文迪朗格勒坚牙烟，佢上仗联赛对利云特後备落场冇耐，即鲁莽侵犯对手输12码，受过教训巴塞条防线相信会打醒精神，踢得更加谨慎。

　　查实巴塞喺各项赛事法定时间已经保持23仗不败，但要留意当中5仗欧霸录得3胜2和，胜率仅得60%，而且佢哋喺欧洲赛主场面对死守球队，经常老鼠拉龟冇碇埋手，近4次喺鲁营出战欧洲赛，全开2球或以下，包括欧霸8强与加拉塔沙雷互交白卷，2.5球嘅细盘有2.4倍咁好分，非常抵玩。