今晚西甲皇家马德里主场同基达菲上演马德里打吡。皇马联赛同欧联双线发展，今仗未必去尽，睇番两军近期交手战况胶着，入球唔慌会多，推介中位数2.5球入球细。

　　皇马目前喺西甲榜首优势明显，极有机会重夺冠军，但佢哋更希望喺欧联有一番成就，为留力下周中8强次回合再斗车路士，主帅安察洛堤今仗或进行轮换，等一班主力有机会休息。王牌射手宾施马虽然今季弗到震，不过佢近8次对基达菲仅入一粒，未必可以好似平时咁轻松入波。

　　基达菲对赛少大败

　　基达菲上场1比0小胜马略卡，总算摆脱6场不胜颓势，目前仍要为护级而努力。基达菲踢法向来保守，实际失波唔算多，近年遇上皇马亦表现顽强，近4次交手全开2球或以下，对上两次更加可以保持不失，今晚自然希望偷鸡抢分，中位数2.5球嘅细盘值捧。