後上争标气势凌厉嘅利物浦，今晚英超早场喺晏菲路迎战屈福特，虽然因对手积弱胜望极浓，不过红军依家向住「4冠王」目标进发，兼顾多条战线下难免要保留实力，尤其几日後又要喺欧联8强首回合出师，今仗必定见好即收，只求稳阵全取3分，3.5球嘅入球细为明智之选。

　　利物浦喺英超已经录得9连胜，依家只落後榜首曼城1分，今场呢3分当然系志在必得，不过球队喺季尾面临连场硬仗，踢完对屈福特一战，将要9日内连踢2场欧联，以及作客曼城嘅「英超冠军前哨战」，经验丰富嘅高普当然会适时留力。事实上，利物浦过去1个月已减轻比赛力度，近5仗入球均唔多於2球，总入球全开2球或以下。

　　屈福特护级死守抢分

　　屈福特现时排联赛榜尾3，护级形势非常险峻，虽然上仗作客击败修咸顿，但今场造访晏菲路难度激增，领队鹤臣会以1分为最大目标，希望能够死守成功，重演2月份作客0比0守和曼联嘅好戏，今仗开3.5球嘅入球细机会颇高。