今晚荷盃4强赛事，阿尔克马尔主场恶斗衞冕嘅阿积士。阿积士上仗联赛留力留到输波，摆明为今仗而嚟，因为阿尔克马尔近况大勇，阿积士一定唔会掉以轻心，不过佢哋近年食住AZ，近4次交手赢3次，睇好阿积士可以喺90分钟搞掂对手，推介客胜。

　　阿尔克马尔所有赛事18场不败，上场联赛主场顺利击败飞燕诺，不过佢哋向来畀阿积士恰惯，近4次对赛输3次，包括上届荷盃晋级过程当中，就曾经喺16强主场以0比1输波，今场续有前锋杜安缺阵，要喺阿积士身上搵着数似乎有啲困难。

　　贺拿近6场入7粒

　　阿积士虽要应付联赛、欧联同荷兰盃三条战线，但球队实力喺国内超班，现时联赛排榜首，欧联杀入16强，荷盃亦入到嚟4强，当然唔会手软，尤其今场对手系来势汹汹嘅AZ，阿积士当然要赢波，除咗要晋级杀入决赛，亦可一挫对喺荷甲嘅士气。

　　阿积士今届荷盃矢志衞冕，上仗荷甲斗伊高斯，後防主力添巴同马拿奥尔分别未有列阵同後备入替，摆明为今仗留力，斗心唔使怀疑，加上射手施巴斯坦贺拿大勇，近6场省入7粒，今场有力反客为主，客胜玩得过。