今晚英超繼續上演獨腳戲，修咸頓主場迎戰包尾嘅諾域治，「聖人」修咸頓近期表現如有神助，近4場聯賽取得2勝2和，包括擊敗熱刺，以及打和曼市雙雄，成績「含金量」十足。加上修咸頓近4次主場對諾域治，獲得全勝，其中3次上半場領先，直取半場主勝。

　　修咸頓上年年尾曾經陷入低潮，但踏入2022年後，已逐漸重回正軌，特別係近期愈戰愈勇，主場對榜首曼城，開波7分鍾率先打開紀錄，直至下半場中段先至被對手逼和，雖然未能全取3分，但已經贏盡口碑。

　　其後修咸頓作客熱刺，即使兩度落後都可以反勝3比2，盡顯頑強斗志，去到奧脫福斗曼聯，亦有分落袋，加上上仗主場以2比0擊敗由林柏特領軍嘅愛華頓，可見「聖人」狀態相當弗，查阿當斯、布查、禾斯等中前場球員都有上乘數胡能力，諾域治難以招架。

　　諾域治連續大敗信心盡失

　　諾域治上年11月換帥之後，情況都係冇乜改善，近兩場更分別被曼城同利物浦大炒，進一步打擊球員信心。佢哋已經落後尾4紐卡素5分，兼踢多對方1場，降班危機愈來愈大，無奈實力有限，想搶分都有心無力，加上近5場聯賽作客輸咗4場，恐怕今仗上半場頂唔住修咸頓進攻。