今晚世盃外亚洲区第3圈B组焦点战文章摘自华体网，阿曼主场火并日本。「蓝武士」虽然表现唔算突出，但擅於先发制人，初段必定抢缰，加上近年对阿曼例打闪击战，半场客胜值得捧场。

　　无论系用人定排阵，日本主帅森保一都过於保守，容易畀对手睇穿，令球队表现欠缺霸气，其中状态一般嘅大迫勇也稳站正选，反而弗爆嘅三笘薰、前田大然无用武之地，难怪进攻极为疲弱。不过佢哋胜在个人质素上乘，踢得更加务实，趁对手初段阵脚未稳先抢攻，力求尽早取得领先，之後利用传控打法保住胜局。「蓝武士」喺近4仗世盃外，取得3胜1负狂抢9分，升上第3位，依家只落後次席澳洲1分，重燃争前2的直接出线希望，而呢4仗只入4粒，其中3次喺上半场取得领先优势，可见佢哋先发制人嘅策略。

　　阿曼自从首轮爆大冷作客击败日本後，近4仗世盃外仅得1胜1和2负，所赢嘅只系包尾大幡越南，而且呢4仗场场都有失波，似乎实力已经见晒底，不宜高估。翻查纪录，双方近5次碰头，日本唔单止取得4胜1负，呢4场胜仗均喺上半场领先，吸取首轮输畀阿曼嘅教训，今仗唔敢再轻敌，势必先下手为强，半场客胜好路。