今晚世杯外亚洲区第3圈B组赛事，越南主场硬撼日本。「蓝武士」几经辛苦，终于重新掌握出线主动权，今遇防守坚曳嘅包尾大幡越南，必定乘胜追击，让两球照捧让球客胜。

　　（周四晚8时开赛）

　　日本更多分析请浏览华体网于第3圈出闸脱脚，头3轮只得1胜2负，其中首轮输畀阿曼最肉酸，好彩上轮生死战靠一个乌龙波，以2比1击败澳洲。依家日本喺B组虽然只排第4位，但与「3哥」阿曼同分，只落后次席澳洲3分，重燃争前两名直接出线席位嘅希望，加上今轮澳洲与榜首沙特阿拉伯正面交锋，至少有1队失分，畀到「蓝武士」从后赶上嘅好机会。

　　日本主帅森保一唔太识得变通而为人诟病，今次除咗南野拓实、大迫勇也、远藤航等常规军外，亦征召前田大然及外流比甲表现唔错嘅三笘熏，睇嚟有求变之心。计晒上圈赛事，日本于今届世杯外已累积49个士哥，只要入多3粒，就能打破佢哋自己喺1998年世杯外最多入波纪录，一定抢缰。

　　实力有距「-2」照捧

　　尽管越南近年足球水平不断提升，但拍埋一众亚洲列强，明显仍有一定距离。佢哋喺第3圈4战全败，合共失咗10粒，包括上轮领先之下，倒输畀阿曼1比3，踢法比较重攻轻守，反而暴露咗防守不稳嘅问题。日本喺第3圈只入3球，同大部分对手都玩死守有关，难得撞正唔识守嘅越南，有力大胜而回，就算让两球都冇有怕，直取让球客胜。